மாமனோகரா இவ்வாலயம்

பல்லவி

மாமனோகரா! இவ்வாலயம்-வந்தருள் கூரும்,

மாமனோகரா! பராபரா!

சரணங்கள்

1. பூமியாளும் நாதனே, நரர்

போகம் நாடும் நீதனே!

நாமே வாழ்த்தும் தாசர் நடுவில்

தாமதம் இல்லாமல் எழுந்தருள்! – மா

2. நாதனே, இவ்வாலயத்தை

நலமாய்த் தந்தாய் தாசர்க்கே;

பாதம் போற்றி வாழ்த்துவோம்; குரு

பரனே, பராபரா, தினம். – மா

3. நின் திருத்தயை பொறுமை

நின் திரு மகிமையும்

சந்தமாய் நிறைந்திட இதில்

சந்ததம் ஈவாய் நின் ஆசியை. – மா

4. தோத்திரம் ஜெபம் தியானம்,

தூய்மையாம் பிரசங்கமும்,

பார்த்திபா இவ்வாலயத்தில்

பக்தியாகவே நடந்திட. – மா

5. நீதி ஞாயம் தெய்வபக்தி,

நேர்மைபேதத் தியானமும்

நாதனில் விசுவா சமும் மிஞ்சி

நன்கு போற்ற தாசர்க்கருள் புரி. – மா