குருசிலே மரண பாடுகள்

குருசிலே மரண பாடுகள்

நினைக்கையிலே நெஞ்சம் நெகிழுதே-2

எனக்காக தானே இதை ஏற்றுக்கொண்டீர்

உம் அன்பை நான் என்ன சொல்வேன்-2-குருசிலே

1.எந்தன் அடிகள் எல்லாம்

உம் மேலே விழுந்ததே

என் சிந்தை மீறல்கள்

முள் முடியை தந்ததே-2

என்னை சிறப்பாக்கவே

சிறுமையானீரே

உம் அன்பை நான் என்ன சொல்வேன்-2-குருசிலே

2.எந்தன் பாவ பாரத்தை

சிலுவையில் சுமந்தீரே

என்னை பரிசுத்தமாக்கவே

இரத்தம் சிந்தி மரித்தீரே-2

என்னை நீதிமானாக்க

நீர் நிந்தை ஏற்றீரே

உம் அன்பை நான் என்ன சொல்வேன்-2-குருசிலே

3.எந்தன் தீய செயலினால்

ஆணி கரத்தில் பாய்ந்ததே

என் போக்கின் மீறலால்

கால்கள் கடாவப்பட்டதே-2

என்னை சுகமாக்கவே

நீர் காயப்பட்டீரே

உம் அன்பை நான் என்ன சொல்வேன்-2-குருசிலே

4.என் தீய பேச்சினால்

கசப்பு காடியை ருசித்தீரே

என் இதய கடினத்தால்

விலாவில் ஈட்டி பாய்ந்ததே-2

எந்தன் ஆக்கினை தீர்க்க

அலங்கோலம் ஆனீரே

உம் அன்பை நான் என்ன சொல்வேன்-2-குருசிலே