கூப்பிடும் குரல் தன்னை

கூப்பிடும் குரல் தன்னை கேட்டு

பதில் தாரும் என் இயேசையா

ஆகாரின் குரலை கேட்டது போல

என் சத்தம் கேளுமையா-ஐயா – கூப்பிடும்

கண்ணீரின் பள்ளத்தாக்கில் நடந்து

நீரூற்றாக்கி கொண்டேனையா

என் கண்ணீர் உந்தனின் துருத்தியில்

சேர்த்து வைத்தீரையா – கூப்பிடும்

தேவரீர் எனது அலைச்சல் அறிந்து

தீவிரமாய் என்னைக் காத்திடவே

சிறுமையும் எளிமையுமான என்னை

விடுவிக்க வாருமையா – கூப்பிடும்