பாடுவோம் மகிழ்வோம்

பாடுவோம் மகிழ்வோம்

கொண்டாடுவோம்

அப்பா சமூகத்தில் பாடி

மகிழ்ந்து கொண்டாடுவோம்

1. அக்கினி மதில் நீரே

ஆறுதல் மழை நீரே

இக்கட்டில் துணை நீரே

இருளில் வெளிச்சம் நீரே - நன்றி

2. துயர் நீக்கும் மருத்துவரே

என் துதிக்குப் பாத்திரரே

பெலனெல்லாம் நீர்தானையா

என் பிரியமும் நீர்தானையா

3. கல்வாரி சிலுவையினால் - என்

சாபங்கள் உடைந்ததையா

ஆபிரகாமின் ஆசீர்வாதங்கள் - இந்த

அடிமைக்கு கிடைத்ததையா

4. இயேசுவே உம் இரத்தத்தால்

என்னை நீதிமானாய் மாற்றினீரே

பரிசுத்த ஆவி தந்து - உம்

அன்பை ஊற்றினீரே

5. உம்மையே நம்பி வாழ்வதால்

உமக்கே சொந்தமானேன் - என்

உயிரான கிறிஸ்து வந்தால் - உம்

உறவுக்குள் வந்துவிட்டேன்

6. இவ்வுலகப் போக்கின்படி

நான் வாழ்ந்தேன் பலநாட்கள்

உம்மோடு இணைத்தீரைய்யா - உம்

மிகுந்து இரக்கத்தினால்

7. வாழ்வு தரும் ஊற்று நீரே

வழிகாட்டும் தீபம் நீரே

புயலில் புகலிடமே - கடும்

வெயிலில் குளிர் நிழலே

8. பேரின்ப நீரோடையில்

என் தாகம் தணிப்பவரே

உமது பேரன்பு - அது

எத்தனை மேலானது