குருசினில் தொங்கினீர்

பல்லவி

குருசினில் தொங்கினீர், குருதியும் சிந்தினீர்,

குரு இயேசு நாதா! நீர் கொல்கொதாவில்-(2)

சரணங்கள்

கால் கரங்களில் ஆணிகள் பாய்ந்தே

கண்கள் அயர்ந்தே, தாகத்தால் தொய்ந்தே-(2)

ஏனோ இத்தனை பாடுகள் ஏற்றீர்? -(2)

என் பாவம் போக்கிட வந்ததாலோ?-(2) -குருசினில்

தலை சாய்க்க உலகில் ஸ்தலம் இல்லை என்றே

திருவாய் மலர்ந்த தேவ குமாரா! -(2)

சிலூவை தான் உமக்குத் தலை சாய்க்க இடமோ,-(2)

பலியாகி மீட்டிட வந்ததாலோ?-(2) - குருசினில்

தேகமதிலே வாதையடைந்தே

பாதகரின் பாவம் ஏற்றவராய் -(2)

தேவனோடொன்னையும் சேர்த்திட ஒன்றாய்த்-(2)

தேவாட்டுக்குட்டியாய் வந்தீரோ நீர்?-(2) -குருசினில்