மானிடரே! போற்றுங்களே!

இயேசு மேலானவர்

மானிடரே! போற்றுங்களே!

மாநிலத்தில் பறைசாற்றுங்களே!

மேலானவர் இயேசு மேலானவர்

ஆகாயம் பூமிக்கும் மேலானவர் - 2

1. இருளில் ஒளியும் இயேசு - நம்

இதய விளக்கும் இயேசு

மருள்வோர் வழியும் இயேசு - அவர்

மனதின் உறுதி இயேசு

அருளின் சுனையும் இயேசு - உயர்

அன்பின் பொருளும் இயேசு

2. உலகம் அவரால் வாழும் - அதில்

உயிர்கள் புனிதம் ஆகும்

பலரின் வாழ்வு மாறும் - பாவப்

பழிகள் யாவும் தீரும்

நிலவும் மகிழ்ச்சி நாளும் - இனி

நிறையக் குடும்பம் தோறும்

3. அலைகள் வாழ்வில் மோதும் - பலர்

அழிவைக் காண நேரும்

மலைகள் பெயர்ந்து போகும் - பலர்

மனங்கள் பயந்து சாகும்

நிலையாய்க் கரங்கள் கோர்ப்பார் - நம்மை

நிஜமாய்க் கரையில் சேர்ப்பார்