கர்த்தருக்குக் காணிக்கையிதோ

பல்லவி

கர்த்தருக்குக் காணிக்கையிதோ! தம்மையே தந்த

கர்த்தருக்குக் காணிக்கை! இதோ!

அனுபல்லவி

கர்த்தருக்குக் காணிக்கையாய்ப்

பத்திலொன்று நான் கொடுப்பேன்,

சத்தியக் கிறிஸ்து நாதர்

சபையை வர்த்திக்கவேணும். – கர்த்தருக்கு

சரணங்கள்

1. அநியாயம் நீங்க வேணும்,-உலகிலே மெய்

அறிவு வளர வேணும்,

தனியேக மெய்த்தேவனை-நற்தேசத்தில்

சகலரும் போற்ற வேணும்,

கனிவாய்ப் போதகர் வேதம்

கற்றறிந்து சொல்லவேணும்,

கணக்காய் இதன் செலவு

கட்டி வரவேணும், அய்யா! – கர்த்தருக்கு

2. ஆபிரகாம் பத்திலொன்றையே-மெல்கிசே தேக்குக்-கு

அனைத்திலும் தந்ததையே!

மா பிரியமாக வாசித்தேன்,-இஸ்ரயேல் பெத்தேல்

வள்ளற்குச் செய்பொருத்தனையே,

ஆண்டவர் பரன் அவர்கட்

கனைத்தும் ஆசீர்வதித்துத்

தாபரம்த மதடி கீழ்த்

தத்தளித்த தெல்லாங் கேட்டேன். – கர்த்தருக்கு

3. கொஞ்சங் கொஞ்சமாகச் சேர்த்தேன்-இதோ! இத்தனை

கூடினதைக் கொண்டிதோ வந்தேன்,

நஞ்சைவிளைவினி லோர்பாகம்-சேர்த்து வைத்தேனான்,

நாலாவகை வரத்திற் கொஞ்சம்,

புஞ்சை பல போகத்திலும்

போட்டு வைத்தே னான்குறுணி

புத்தகக் கணக்கில் கண்ட

தித்தனைத் தொகையுமாச்சு. – கர்த்தருக்கு