கல்வாரி மலைதனிலே கர்த்தர்

LYRICS

கல்வாரி மலைதனிலே கர்த்தர் சிலுவைக் கண்டு

கண்ணீர் பெருகுதையா – அவர்

உயர சிலுவையில் உரைத்த பொன் வார்த்தைகள்

உள்ளத்தை உடைக்குதையா

சரணங்கள்

1. இந்நிலத்தில் தம்மைக் கொலை செய்வாரையும்

இரங்கி மன்னிப்பார் உண்டோ – 2

பிதாவே இவர்கட்கு மன்னியும் என்றுமே

பாதகர்க்காய் வேண்டினார் -2

2.காயங்கள் ரத்தத்தை கொட்ட கண் மங்கிட

களைந்த நிலையில் கர்த்தர் -2

பார்த்துமே கள்வனை இன்று என்னுடனே

பரதேசில் இருபாய் என்றார்-2

3. சிந்தும் ரத்தவெள்ள சிலுவையில் தொங்கிடும்

சீராளன் தாயைப் பார்த்தார் – 2

பாசக் கண்களோடு பார்த்துமே யோவனை

பார் உந்தன் தாயை என்றார் -2

4. என் தேவனே என் தேவனே ஏன் என்னைக்

கைவிட்டீர் என்றுரைத்தார் – 2

தாகமாய் இருக்கிறேன் என்றவர் கூறவே

சேவகன் காடி கொடுத்தான் – 2

5. எல்லாம் முடிந்தது என்று சத்தமிட்டார்

பொல்லாதார் மீட்படைய -2

உம்முடையக் கைகளில் எந்தன் ஆவியை

ஒப்பு விக்கின்றேன் என்றார் – 2