கல்வாரிக்குப் போகலாம் வாரும்

கல்வாரிக்குப் போகலாம் வாரும் – Kalvaarikku Pogalam Vaarum

கல்வாரிக்குப் போகலாம் வாரும்; எம்

காருண்ய இயேசுவின் காட்சியைப் பார்த்திட

சரணங்கள்

1. பொல்லாப் பகைஞர் கூட்டம்

எல்லாம் திரண்டு அங்கே

நல்லாயன் மீட்பர்தனைக்

கொல்லும் அவஸ்தை காண – கல்

2. சிவப்பங்கி தரித்தோராய்

சிரசில் முண்முடி சூண்டு,

தவத்தி லுயர்ந்த நாதன்

தவிக்கும் முகத்தைப் பார்க்க – கல்

3. ஐயோ பிதாவே என்னை

ஏன் கைவிட்டீர் என்றழும்

துய்யன் துயர சத்தம்

தொனிக்கிற தங்கே இன்னம் – கல்

4. நாவு வறண்டதினால்

தாகங்கொண்டேன் என்றாராம்

பாவிகள் காடிதனைக்

கூடிக் கொடுத்தனராம் – கல்