காணிக்கை தருவாயே

பல்லவி

காணிக்கை தருவாயே-கர்த்தருக்குனது

காணிக்கை தருவாயே

Verse

அனுபல்லவி

Verse

காணிக்கை தா உனக்காய் ஆணிக் குரிசி லேசு

வேணும் ரட்சிப்பினை நீ காணும்படி செய்ததால். – காணிக்கை

Verse

சரணங்கள்

Verse

1. பத்தில் ஒரு பங்குதானோ?-பத்தினில் கட்டுப்

பட்ட யூதருக் கல்லவோ?

அத்தன் உனக்களித்த அளவை உட்கார்ந்து பார்த்தால்,

பத்தில் ஒரு பங்கல்ல, பல மடங்காகிடாதோ? – காணிக்கை

Verse

2. உன்றன் உடல் உன் சொந்தமோ?-அதைவிடினும்

உன் மனம் ஆவி பந்தமோ?

அன்னவன் உடைய தென்றறிந்து உணர்வாயானால்

உன்னையும் உன்னுடைய உடைமையுமல்லோ ஈவாய்?- காணிக்கை

Verse

3. தேவ வசனம் பரப்ப,-அதனுக்கென்று

செல்லும் செலவை நிரப்ப,

ஆவலாய் யேசுவுக்கே ஆராதனை நடத்தும்

தேவ ஊழியத்துக்கும் திறந்த மனதுடனே – காணிக்கை

Verse

4. பயிர் பலன் மூலமாகவும்,-இன்றும் பலர்க்குப்

பணம் முதலானதாகவும்,

உயிர்ப் பிராணியாகவும் உதவும் கடவுளுக்கே

உயிரைப் படைப்பாயோ, உடைமையைக் கொடாவிடில்? – காணிக்கை