காலமோ கடைசி காலம்

காலமோ கடைசி காலம்

கண் எதிரில் தெரிவதெல்லாம்

கர்த்தன் இயேசு இராஜனையே

தம் எதிரில் அழைத்திடவே – காலமோ

சரணங்கள்

1. யுத்தங்களும் சண்டைகளும்

நித்தம் நித்தம் கண்கள் காண

எந்த நேரம் வந்திடுவார்

சொந்த மக்கள் இன்பம் கொள்வார் – காலமோ

2. பாவங்களில் புரளுகிறார்

கோபங் கொள்வார் கூறிவிட்டால்

நாகரீகமானவர்கள்

நடத்தையில் தரம் இழந்தார் – காலமோ

3. ஊழியர்கள் நடுவினிலே

ஒருமனம் நிலவவில்லை

எல்லாம் பெற்ற உலகமதில்

அன்புமட்டும் காணவில்லை – காலமோ

4. செல்வங்கள் பெருகினாலும்

ஏழைகள் அதிகமானார்

மருத்துவம் சிறந்த போதும்

கொல்லும் நோய்கள் மிகப் பெருக்கம் – காலமோ

5. உலகத்தின் தலைவர் எல்லாம்

சமாதானம் முயற்சித்தாலும்

கலங்கிய மனித உள்ளம்

அலைமோதி தவிக்கின்றது – காலமோ

6. பகலிலோ இரவினிலோ

காலையோ மாலையோ

மகிமையாய் வரப்போகிறார்

ஏற்றுக்கொண்டோர் எழுந்து செல்வார் – காலமோ

7. எந்த எந்த தொழிலாயினும்

தங்கும் இடம் எதுவாயினும்

ஒன்றே ஒன்று எனது வாஞ்சை

வருகையில் மகிழ வேண்டும் – காலமோ