ஐயையோ நான் என்ன செய்வேன்

ஐயையோ நான் என்ன செய்வேன் – Aiyyaiyo Naan Enna Seivean

ஐயையோ நான் என்ன செய்வேன்

அங்கம் பதைத்தேங்குதையா

அனுபல்லவி

மெய்யாய் எந்தன் பாவத்தாலே

மேசியா வதைக்குள்ளானார்

1. முண்முடி சிரசில் வைத்து

மூங்கில் தடியாலடித்த

சண்டாளர் செய்கையை எண்ண

சகிக்குதில்லை எந்தனுள்ளம் – ஐயையோ

2. பெற்ற தாயார் அலறி வீழ

பிரிய சீஷர் பதறி ஓட

செற்றலர் திரண்டு சூழ

தேவே, இந்தக் கஷ்டம் ஏனோ? – ஐயையோ

3. கால் தளர்ந்து போச்சுதையா

கைகள் சோர்ந்து வீழுதையா

சேல்விழிகள் மங்குதையா

தேவே எந்தன் பாவமல்லோ – ஐயையோ

4. நா வறண்டு நடை தள்ளாட

நண்பர் கண்டு கதறி வாட

ஜீவ இம்சையே மேலாட

தேவே கொல்கதாவில் நீட – ஐயையோ

5. சிலுவை தன்னைப் பாட்டிலிட்டு

தேவே உம்மை மேல் கிடத்தி

வலுவாய் கை கால்களை இழுத்து

மாட்டினாரோ ஆணியிட்டு – ஐயையோ

6. துடிக்குதே உன் அங்கமெல்லாம்

சோர்வடைய உந்தனாவி

வெடிக்குதுந்தன் இடது விலா,

விரனீட்டியாலே குத்த – ஐயையோ

7. இந்தக் கஷ்டம் நீர் சகிக்க

வந்ததெந்தன் பாவமல்லால்

உந்தன் குற்றம் யாதுமில்லை

எந்தையே நீரே என் தஞ்சம் – ஐயையோ