இருப்பீராயத்தம் இயேசுவைச் சந்திக்க

பல்லவி

இருப்பீராயத்தம் இயேசுவைச் சந்திக்க!

அனுபல்லவி

வருவார் நினையாமலே – திண்ணம்

வான்முகில் மீது சீக்கிரம்!

சரணங்கள்

1. மண்ணுறும் சகல மாந்தரங் காணவே

மன்னனேசுதான் விண்ணரோடுமே

மகிமையாகவே தோன்றுவார் – இரு

2. ஊதும் எக்காளம் ஓசையாய்த் தொனிக்கையில்

பூதங்கள் பஸ்பமாகி வானமும்

பூமியும் வெந்தழிந்து போம் – இரு

3. கர்வங்கொண்டதோர் பாவிகள் யாவரும்

கர்த்தனார் வருங்காலத்தினவர்

கவலையுற்றதால் அலறுவார் – இரு

4. புத்தியுள்ள ஐங்கன்னிகள் போல் தேவ

பத்தனாய்ப் பரிசுத்தனாய் முழுத்

தத்தஞ் செய்துமே நித்தமும் – இரு

5. ஜீவ ஓட்டத்தில் திருடனைப் போலவே

சாவுதான் வரும் தப்பொணாது நீர்

தாவி மீட்பரைச் சார்ந்ததுமே – இரு

6. தேவனார் தீர்ப்புச் செய்யு மவ்வேளையில்

பாவியே! வலப்பக்கம் நின்றிட

பாவ மன்னிப்புப் பெற்றிங்கே – இரு