இந்த வேளையினில் வந்தருளும் தேவ ஆவியே இப்போ

இந்த வேளையினில் வந்தருளும் தேவ ஆவியே – இப்போ

எங்கள் மீதிறங்கித் தங்கி வரம் தாரும் ஆவியே

அந்தணர் தம்மிடம் விந்தை செய்த சத்யஆவியே – முன்

ஆச்சரியமாகக் காட்சி தந்த ஞான ஆவியே

அர்ச்சியர்க் கந்நானில் அற்புதம் செய்தாண்ட ஆவியே – இந்த

ஆதிரை மீதினில் தீதகற்றியாளும் ஆவியே

ஆருமறியாத ஆறுதல் செய்திடும் ஆவியே – இங்கு

அஞ்ஞானம் அகற்றி மெய்ஞ்ஞானம் புகட்டும் ஆவியே

சித்தம் இரங்காயோ நித்தியராகிய ஆவியே – அருள்

ஜீவ வழி காட்டிப் பாவம் அகற்றிடும் ஆவியே

வாரும் வாரும் கண்பாரும் பரிசுத்த ஆவியே – இன்று

வந்து சபைமீதில் சிந்தை வைத்தருளும் ஆவியே

தேற்றரவாளன் என்றேற்றிப் புகழ்ந்திடும் ஆவியே – நிதம்

சித்தம் வைத்தென் மீதில் முற்றிலுங் காத்திடும் ஆவியே