இந்நாள் ரட்சிப்புக் கேற்ற நல் நாள்
ஏற்ற நல் நாள் ஏற்ற நல் நாள்
சொன்னார் கிறிஸ்துனக்குக் கிருபையைச் சொரிந்து
சந்தோஷந்தனைச் சொல்ல வந்தேன் -தேவ
சமாதான வார்த்தையைப் பெலனாகத் தந்தேன்
வாடித் திகைத்துப் புலம்பாதே – உன்தன்
மனதில் அவிசுவாசம் வைத்துக் கலங்காதே
உலகச் சிநேகம் வெகு கேடு அதற்
குடந்தைப் படாமல் ஜீவ மார்க்கத்தைத் தேடு
இன்றுன் இரட்சகரிடம் திரும்பு – அவர்
இயற்றும் சம்பூரண ஜீவனை விரும்பு
இனிமேலாகட்டும் என் றெண்ணாதே -பவ
இச்சைக் குட்பட்டால் திரும்ப ஒண்ணாதே
கிறிஸ் தேசுவை உற்றுப் பாரு – அவர்
கிருபையாய்ச் சிந்தின ரத்தத்தைச் சேரு
பாவங்கள் அறச் சுத்திகரிப்பார் – உனைப்
பரிசுத்த வஸ்திரத்தால் அலங்கரிப்பார்
மகிமை நிறைந்த கிரீடஞ் சூடி – நித்திய
வாழ்வை அருள்வார் உனக்கின்பங் கொண்டாடி
ஏசுபெருமானை நீ நம்பு – அவர்
என்றென்றைக்கும் உனக் கிரட்சிப்பின் கொம்பு