ஞானஸ்நான மா ஞானத்திரவியமே

பல்லவி

ஞானஸ்நான மா ஞானத்திரவியமே; திரு

நாமம் ஜலமோடு சேர்.

சரணங்கள்

1. வானபரன் யேசுலக மானிடர்க்காய்ப் பாடுபட்டு

வாய்த்தநலம் இலவசமாய்க் கொடுத்திட,

ஞானமுட னேசகல மானிடரைச் சீடராக்க,

நல்ல தேவ நாமமதைச் சொல்லிஜலம் வாருமென்ற – ஞான

2. தண்ணீராவியால் பிறக்கார் விண்டலம் பெறாரெனவே

சத்தியன் உரைத்தமொழி சுத்தமுணர்ந்து

சின்னவர் பெரியவர்கள் சீரியர்கள் பூரியர்கள்

செம்மைபெற மூழ்குவர்கள் இம்முழுக்கில் வேதமுறை – ஞான

3. கண்ணினாலே காண்பதென்ன? தண்ணீர்தானேயென்று சொல்லிக்

கர்த்தனி னுரைமறப்ப தெத்தனை மோசம்!

அண்ணலார் பரிசுத்தாவி தன்னையுமிணைக்கு நேர்மை

அறிந்தவரே யிருகண் தெரிந்தவர் திருவருள் – ஞான