கீதம் கீதம் ஜெய ஜெய கீதம்

கீதம் கீதம் ஜெய ஜெய கீதம்

கை கொட்டிப் பாடிடுவோம்

இயேசு ராஜன் உயிர்த்தெழுந்தார் – அல்லேலூயா

ஜெயம் என்று ஆர்ப்பரிப்போம் – ஆ! ஆ!

1. பார் அதோ கல்லறை மூடினப் பெருங்கல்

புரண்டுருண்டோடுது பார் – அங்கு

போட்ட முத்திரை காவல் நிற்குமோ

தேவ புத்திரர் சந்நிதிமுன் – ஆ! ஆ!

2. வேண்டாம் வேண்டாம் அழுதிட வேண்டாம்

ஓடி உரைத்திடுவோம் – தாம்

கூறின மாமறை விட்டனர் கல்லறை

போங்கள் கலிலேயாவுக்கு – ஆ! ஆ!

3. அன்னா காய்பா ஆசாரியர் சங்கம்

அதிரடி கொள்ளுகின்றார் – இன்னா

பூத கணங்கள் இடி ஒலி கண்டு

பயந்து நடுங்குகின்றார் – ஆ! ஆ!

4. வாசல் நிலைகளை உயர்த்தி நடப்போம்

வருகின்றார் ஜெய வீரன் – நாமம்

மேள வாத்தியம் கைமணி பூரிகை

எடுத்து முழங்கிடுவோம் – ஆ! ஆ!