எத்தனை திரள் என் பாவம் என் தேவனே!

எத்தனை திரள் என் பாவம் , என் தேவனே!

எளியன்மேல் இரங்கையனே

நித்தம் என் இருதயம் தீயதென் பரனே ;

நிலைவரம் எனில் இல்லை ; நீ என் தாபரமே — எத்தனை

1. பத்தம் உன் மேல் எனக்கில்லை என்பேனோ

பணிந்திடல் ஒழிவேனோ?

சுத்தமுறுங் கரம்கால்கள் , விலாவினில்

தோன்றுது காயங்கள் , தூய சிநேகா ! — எத்தனை

2. என்றன் அநீதிகள் என் கண்கள் முனமே

இடைவிடாதிருக்கையிலே ,

உன்றன் மிகுங் கிருபை , ஓ மிகவும் பெரிதே

உத்தம மனமுடையோய் , எனை ஆளும் ! — எத்தனை

3. ஆயங் கொள்வோன்போல் , பாவ ஸ்திரீபோல்

அருகிலிருந்த கள்ளன் போல் ,

நேயமாய் உன் சரண் என் வணங்கினேன்

நீ எனக்காகவே மரித்தனை , பரனே ! — எத்தனை

4. கெட்ட மகன்போல் துட்டனாய் அலைந்தேன்

கெடு பஞ்சத்தால் நலிந்தேன் ;

இட்டமாய் மகன் எனப் பாத்திரன் அவன் நான்

எனை ரட்சித்திடல் உன்றன் நிமித்தமே , அப்பனே ! — எத்தனை