எத்தனை நாவால் துதிப்பேன் ஏதும்

பல்லவி

எத்தனை நாவால் துதிப்பேன் – ஏதும்

அற்ற மா பாவி நான் பெற்ற கிருபைக்காய்!

அனுபல்லவி

பித்தனாம் பேயின் அடிமைத்தனத்தில்

பிடிபட்ட பாவியை மீட்டதற்காக

சரணங்கள்

1. பாவத்தில் ஜனிப்பிக்கப்பட்டேன் – பின்னும்

பலவித ஆங்காரங் கொண்டு நடந்தேன்;

ஆபத்தில் பலமுறை அகப்பட்ட பாவியை

அழித்துப்போடாமலே வைத்ததற்காக – எத்தனை

2. குடிவெறி களியாட்டுச் செய்தேன் – வாயால்

கோட் சொல்லிக் கோபங்கள் மூட்டியே விட்டேன்

அடியேனை மீட்பதற்காகவே இயேசு

அற்புத நாதரைக் கொடுத்ததற்காக – எத்தனை

3. பாதகரோடு சஞ்சரித்தேன் – நாவால்

பரியாசம் பண்ணியே நாட்களைக் கெடுத்தேனே;

தீதான பாதகர் கூட்டத்தை விட்டு

தேவதாசர்களோடு சேர்த்ததற்காக – எத்தனை

4. உலகத்தைப் பலகாலஞ் சுமந்தேன் – பின்னும்

உறவின் முறையாரைச் சிலகாலஞ் சுமந்தேன்

அலகைப்பயல் போட்ட வலை யாதென்றுணர

அடியேனுக்காவியின் அருள்வரம் கொடுத்தீர் – எத்தனை

5. பதினோராம் மணி நேரம் மட்டும் – கெட்ட

பாவி நான் பாவத்தில் தூங்கிக்கிடந்தேன்;

எதிரொலி ஓசைபோல் மனந்திரும்பென்ற

எக்காள சத்தத்தைக் கேட்டு எழுந்த நான் – எத்தனை