இரவின் அமைதியில் – ஒரு தொழுவின் வறுமையில்

இரவின் அமைதியில் – ஒரு தொழுவின் வறுமையில்

பிறந்த தெய்வமே பேரன்பின் வடிவமே

இதயத்திலே அமைதி – இந்த உலகத்திலே அமைதி

இறைஞ்சி வேண்டினேன்- இரு கரங்கள் கூப்பினேன்

வாரும் பிறந்து இதயம் திறந்து வாரும் இயேசுவே

தாரும் நாங்கள் நிதமும் தேடும் அமைதி தாருமே

தேவை போலவே தோன்றும் ஆசைகள்

தேவை இன்றியே தோன்றும் கோபங்கள் ஆ…ஆ….

வானில் கருமேகம் போல/ சோகம் எனைச் சூழும் நேரம்

வருவாய் இறைவா மனம் தேடும் அமைதி தர – (இரவின்)

நோயின் கொடுமைகள் – இங்கு ஓயும் முன்னமே

போரின் கோரங்கள்- தினம் கேட்கும் ஓலங்கள் ஆ..ஆ..

நேயம் இங்கு அலறி விலக தீ போல் பகை பரவி எரிய

வருவாய் இறைவா இந்தப் புவி தேடும் அமைதி தர (இரவின்)