எந்தக் காலத்திலும் எந்த நேரத்திலும்

எந்தக் காலத்திலும் எந்த நேரத்திலும்

நன்றியால் உம்மை நான் துதிப்பேன்

இயேசுவே உம்மை நான் துதிப்பேன் துதிப்பேன்

எந்த வேளையிலும் துதிப்பேன்

1. ஆதியும் நீரே அந்தமும் நீரே

ஜோதியும் நீரே சொந்தமும் நீரே – எந்த

2. தாய் தந்தை நீரே தாதையும் நீரே

தாபரம் நீரே என் தாரகம் நீரே – எந்த

3. வாழ்விலும் நீரே தாழ்விலும் நீரே

வாதையில் நீரே பாதையில் நீரே – எந்த

4. வானிலும் நீரே பூவிலும் நீரே

ஆழியில் நீரே என் ஆபத்தில் நீரே – எந்த

5. துன்ப நேரத்தில் இன்பமும் நீரே

இன்னல் வேளையில் என் மாறிடா நேசர் – எந்த

6. ஞான வைத்தியராம் ஒவ்ஷதம் நீரே

ஆத்ம நேசராம் என் நண்பரும் நீரே – எந்த

7. ஞானமும் நீரே கானமும் நீரே

தானமும் நீரே என் நாதனும் நீரே – எந்த

8. ஆறுதல் நீரே ஆதாரம் நீரே

ஆசையும் நீரே என் ஆனந்தம் நீரே – எந்த

9. மீட்பரும் நீரே மேய்ப்பரும் நீரே

மேன்மையும் நீரே என் மகிமையும் நீரே – எந்த

10. தேவனும் நீரே என் ஜீவனும் நீரே

ராஜராஜனாம் என் சர்வமும் நீரே – எந்த