எண்ணிப்பார் நீ எண்ணிப்பார்

Ennippaar nee ennippaar – எண்ணிப்பார் நீ எண்ணிப்பார்

எண்ணிப்பார் நீ எண்ணிப்பார்

தேவன் செய்த நன்மைகள் எண்ணிப்பார்

கண்ணின் மணி என காத்து உள்னைத் தம்

கரத்தில் சுமந்ததை எண்ணிப்பார்

1 .வாக்குத் தவறாது தேவன் உன்னை

வாக்கின்படி காத்தார் எண்ணிப்பார்

போக்கிடம் இன்றி நீ தவித்த வேளை

போஷித்துக் காத்ததை எண்ணிப்பார் – எண்ணி

2 .தாயும் தந்தையும் உள்னை மறந்தபோதும்

தாங்கி அணைத்ததை எண்ணிப்பார்

தாய் மறந்தாலும் நான் மறவேன் என

தயவாய்க் காத்ததை எண்ணிப்பார் – எண்ணி

3. அறியாமையுள்ள காலங்களைத்

தேவன் பாராமல் இருந்ததை எண்ணிப்பார்

அறிந்தும் அறியா செய்த பிழைகள்

அனைத்தும் பொறுத்ததை எண்ணிப்பார் – எண்ணி

4. தூரமாய்ச் சென்ற உன்னைத் தூக்கிச் சுமந்து

மந்தையில் சேர்த்ததை எண்ணிப்பார்

ஆரங்கள் சூட்டி அலங்கரித்து

ஆலயமாக்கினார் எண்ணிப்பார் – எண்ணி

5. சீக்கிரம் வருவேன் என்றுரைத்தவரை

சீக்கிரம் காண்பதை எண்ணிப்பார்

துயரங்கள் நீக்கி கண்ணீர் துடைத்து தம்

மார்போடு அணைப்பதை எண்ணிப்பார் – - எண்ணி