என்னை ஜீவபலியாய் ஒப்புவித்தேன்

என்னை ஜீவபலியாய் ஒப்புவித்தேன் ,

ஏற்றுக் கொள்ளும் , யேசுவே

அன்னை தந்தை உந்தம் சன்னதி முன்னின்று

சொன்ன வாக்குத்தத்த மல்லாது , இப்போது — என்னை

1. அந்தகாரத்தி னின்றும் , பவப் பேய்

அடிமைத் தனத்தி னின்றும் ,

சொந்த ரத்தக் கிரயத்தால் எனைமீட்ட

எந்தையே , உந்தனுக்கிதோ ! படைக்கிறேன் — என்னை

2. ஆத்ம சரீரமதை உமக்கு

ஆதீன மாக்கி வைத்தேன் ;

பாத்ரமதாய் அதை பாவித்துக் கொள்ளக்

காத்திருக்கின்றேன் ; கருணைசெய் , தேவா — என்னை

3. நீதியி னாயுதமாய் அவயவம்

நேர்ந்து விட்டேன் உமக்கு ;

ஜோதி பரிசுத்த ராலய மாகவே

சொந்தமாய்த் தந்தேன் என்றன் சரீரத்தை — என்னை