என்னபாக்கியம் அம்மா

பல்லவி

என்னபாக்கியம் அம்மா!-ஏகனருள்

ஏழைக்குக் கிடைத்த தம்மா!

அனுபல்லவி

உன்னியே தவம்புரிந் தோர் அனேகரிருக்கக்

கன்னியெனை நினைத்த கருணையை என்ன சொல்ல? – என்ன

சரணங்கள்

1. என்னாத்துமாவே! நீ-இறைவனை

என்னாளுமே துதிப்பாய்!

என்னாவியே! தேவரட்சகனை யறிந்து

என்றும் வணங்கிமகா நன்றியோடு களிப்பாய்! – என்ன

2. பாக்கியவதியானேன்,-இப்பூவின்கண்

யார்க்கு மதிப்பானேன்;

வாக்கிலே வல்லபரன் மகிமை எனக்குச் செய்தார்;

நோக்கிலவ ரரிய நாமம் பரிசுத்தமே. – என்ன

3. ஆண்டவர் இரக்கம்-அடியார்க்கே

ஆண்டாண்டாக நிலைக்கும்;

மீண்டுமவர் புயத்தால் மெத்தப் பராக்கிரமஞ்செய்தார்;

மேட்டிமையுள்ளவரை மேதினியில் அழித்தார். – என்ன

4. பலவான்களானோரை-ஆசனம் விட்டுப்

பாதாளத்தில் தள்ளினார்;

தலமதில் தாழ்ந்தோரைத் தம்மாசனமுயர்த்தித்,

தாகம் பசியுள்ளோர்க்குச் சகல நன்மை யளித்தார். – என்ன

5. நேசன் ஆபிரகாமை-பின் சந்ததியை

நினைத்திரக்கஞ் செய்தோனாய்,

தாசன் இஸ்ரவேலைத் தாங்கியே யாதரித்த

தற்பரன் கிருபையை நித்தமுமறவேனே – என்ன