எங்கும் புகழ் யேசு ராசனுக்கே

எங்கும் புகழ் யேசு ராசனுக்கே

எழில் மாட்சிமை வளர் வாலிபரே!

உங்களையல்லவோ உண்மை வேதங் காக்கும் ,

உயர்வீரரெனப் பக்தர் ஓதுகிறார் — எங்கும்

1. ஆயிரத் தொருவர் ஆவிரல்லோ நீரும்

அதை அறிந்து துதி செய்குவீர் ;

தாயினும் மடங்குசதம் அன்புடைய

சாமி யேசுவிக்கிதயம் தந்திடுவீர் — எங்கும்

2. கல்வி கற்றவர்கள் கல்வி கல்லாதோர்க்குக்

கடன்பட்டவர்கள் கண்திறக்கவே ;

பல்வழி அலையும் பாதை தப்பினோரைப்

பரிந்து திருப்ப நிதம் பார்த்திடுவீர் — எங்கும்

3. தாழ்மை சற்குணமும் தயை காருண்யமும்

தழைப்பதல்லோ தகுந்த கல்வி?

பாழுந்துர்க்குணமும் பாவச் செய்கையாவும்

பறந்தோடப் பார்ப்பதுங்கள் பாரமன்றோ? — எங்கும்

4. சுத்த சுவிசேஷம் துரிதமாய்ச் செல்ல

தூதர் நீங்களே தூயன்வீரரே ;

கர்த்தரின் பாதத்தில் காலைமாலை தங்கிக்

கருணை நிறை வசனம் கற்றிடுவீர் — எங்கும்