எங்கள் விண்ணப்பம்

பல்லவி

எங்கள் விண்ணப்பம் கேள் ஐயா, ஏசுநாதையா,

எங்கள் விண்ணப்பம் கேள் ஐயா.

அனுபல்லவி

என்றன் திரு ரத்தத்தால் உகந்து நீர் கொண்ட சபை

வந்துன் பதம் பணிந்து வந்தித்துச் செய்தவங்கள். – எங்கள்

சரணங்கள்

1. இருள் சூழ் தொல் புவி மீது, ஏகனே,-இலங்கிடவுன்

ஒரு சொல்லால் ஒளிவீசச் செய்ததையே;

இருளும் அருளு நிறை எல்லா மனுடர் நெஞ்சம்

அருள் ஒளிவீசி இன்று அத்தன் பதம் பணிய. – எங்கள்

2. மந்தையாடு சிதறிப் போனதை-மறுகி, உயிர்

தந்து ரட்சித்த கோனே, தாங்கையா;

சிந்தை தவறி வழி சிதறித் திரியும் பேர்கள்

சிந்தை திரும்பிச் சீவ பாதையில் சென்றொழுக, – எங்கள்

3. நேசம் வைத்தாளும் நீரே மந்தையை-நெகிழ்ந்திடாமல்;

மோசம் வராது தின முற்றுமே

தாசர் பணிவிடைகள் தவறாது வாய்க்கும்படி,

யேசுவே, நின்னடியார்க்கீயும் தேவாசீர்வாதம். – எங்கள்