என் உள்ளம் கவியொன்று பாடும் உந்தன்

என் உள்ளம் கவியொன்று பாடும் – உந்தன்

அன்பொன்றே அது என்றும் நாடும் – 2

இன்பங்கள் நதியான வெள்ளம்

இதயத்தை சூழ்ந்தோடிக் கொள்ளும்

ஆனந்த கவிபாடித் துள்ளும் – 2

உன்னோடு ஒன்றாகும் நேரம்

உலகங்கள் சிறிதாகிப் போகும் – 2

நான் என்பதெல்லாமே மாறும்

பிறர் சேவை உனதாக ஆகும்

எல்லாமே சமமாக எல்லோரும் நலமாய் – 2

அன்போன்றே ஆதாரமாகும்

விண் இன்று மண் மீது தோன்றும்

பிறர் காணும் இன்பங்கள் எங்கள்

இதயத்தை இசை மீட்டிச் செல்லும் – 2

வரம் என்று உனைக் கேட்பதெல்லாம்

உறவென்னில் உயிர் வாழத்தானே

என் சாயல் அன்று உன் சாயல் இன்று – 2

உன் முன்னே யாம் எல்லாம் ஒன்று

என்றாகும் நன்னாளும் தோன்றும்