எக்காள சத்தம் வானில் தொனித்திடவே

எக்காள சத்தம் வானில் தொனித்திடவே

எம் இயேசு மாராஜனே வந்திடுவார்

1. அந்த நாள் மிக சமீபமே

சுத்தர்கள் யாவரும் சேர்ந்திடவே

தேவ எக்காளம் வானில் முழங்க

தேவாதி தேவனை சந்திப்போமே – எக்காள

2. கர்த்தரின் வேளையை நாம் அறியோம்

கர்த்தரின் சித்தமே செய்திடுவோம்

பலன்கள் யாவையும் அவரே அளிப்பார்

பரமனோடென்றும் வாழ்ந்திடுவோம் – எக்காள

3. கண்ணிமை நேரத்தில் மாறிடுவோம்

விண்ணிலே யாவரும் சேர்ந்திடுவோம்

கண்ணீர் கவலை அங்கே இல்லை

கர்த்தர் தாமே வெளிச்சமாவார் – எக்காள