பூமிக்கொரு புனிதம்

LYRICS:

பூமிக்கொரு புனிதம் இம்மண்ணில் வந்தது

உள்ளமெல்லாம் சந்தோஷம் இன்று பொங்குது

பரலோக தந்தையின் செல்லம் வந்தது

மண்ணான என்னையும் தேடி வந்தது

அகிலத்தைப் படைத்தவர் அணுவானது

அறிவுக்கெட்டா பெரும் விந்தையிது & 2

எங்க இயேசு ராஜா எங்க செல்ல இராஜா

கன்னி மரி வயிற்றில் பரிசுத்தமாக பிறந்தார்

1. எளியோனை நேசித்த மாமன்னவர்

ஏழையின் கோலத்தில் பிறந்தாரன்றோ

அறிஞரின் ஞானத்தை அவமாக்கியே

புல்லணை மீதினில் பிறந்தாரன்றோ

உலகத்தின் பாவத்தை தாம் போக்கவே

தேவாட்டுக்குட்டியாய் பிறந்தாரன்றோ & 2

விந்தையாம் கிறிஸ்துவைக் கொண்டாடுவோம்

2. இருளான நம் வாழ்வில் ஒளியேற்றவே

விடிவெள்ளி நட்சத்திரம் உதித்தாரன்றோ

மருளாலே கட்டுண்டோர் விடுவிக்கவே

அருளாலே உதிரத்தை ஈந்தாரன்றோ

பரலோகில் நம்மை சேர்க்க தமை தாழ்த்தியே

சிலுவையில் ஜீவனைத் தந்தாரன்றோ & 2

இரட்சகர் இயேசுவைக் கொண்டாடுவோம்

அல்லேலூயா ஓசன்னா அல்லேலூயாவே & 3