பலன் கொடுப்பீர் நல்ல பலன் கொடுப்பீர்

Verse

பல்லவி

Verse

பலன் கொடுப்பீர் நல்ல பலன் கொடுப்பீர்

பண்பட்ட நிலம் போல் பலன் கொடுப்பீர்

அனுபல்லவி

வழியோரமா? நான் கற்பாறையா?

முள் புதரா? நான் நல்ல நிலமா? – ..பலன்

Verse

1. இறைவனின் வார்த்தை விதையாகும்

அறியா உள்ளம் வழியோரம்

பறவைகள் விரைந்தே தின்பது போல்

பகைவனாம் தீயோன் பறித்திடுவான் – ..பலன்

Verse

2. மண்ணிலா பாறை நிலமாகும்

மனதில் நிறையற்ற மனிதர்களே

வேரற்ற வாழ்க்கை வாழ்வதினால்

வெயிலில் வார்த்தை கருகி விடும் – ..பலன்

Verse

3. முட் செடி புதராம் மனுவுள்ளம்

முளைத்திடும் ஆசைகள் நெறிந்திடவே

இறைவனின் வார்த்தை வளரவில்லை

இறுகியே ஆசைகள் கொன்றதினால் – ..பலன்

Verse

4. இறைவனின் வார்த்தை உணர்ந்திடுவோர்

குறையில்லா பண்பட்ட நிலமாகும்

அறுபது முப்பது நூறு என்றே

அறுவடை எடுப்பார் தம் வாழ்வில் – ..பலன்