பாக்கியர் இன்னார்

பாக்கியர் இன்னார்

பல்லவி

பாக்கியர் இன்னார்-என்றிறைவன்

பண்புடன் சொன்னார்.

அனுபல்லவி

ஆக்கியோன் யேசுவின் வாக்கியம் கேட்கவே

அனந்தமான ஜனம் வனந்தனில் நிற்கையில், – பாக்

சரணங்கள்

1. ஆவி பணிந்தோர்,-மனத்தாழ்மை-யான தணிந்தோர்,

பாவிகள் தாமென்று பயந்து நடப்போர்

தேவனின் ராஜ்யம் சேர்வதால் பாக்கியர். – பாக்

2. துக்கப்படுவோர்,-பவத்துக்காய்த்-துயரப்படுவோர்

விக்கினமின்றி எந் தேவன் அருளினால்

மிக்க மெய்யாறுதல் மீட்புறும் பாக்கியர். – பாக்

3. சாந்த குணத்தோர்,-சண்டைகோப-தாபம் வெறுத்தோர்,

வந்தனார் செய்கையுள் சாந்தனையும் கொள்வோர்

மேதினி வாழ்விலும் விண்ணிலும் பாக்கியர். – பாக்

4. நீதியின் பேரில்-பசி தாகம்-நித்தம் கொள்வோரில்

போத மெய்ப் புத்தியும் பூரண பத்தியும்,

காதலன் ஆவி கடாட்சிப்பர் பாக்கியர். – பாக்

5. இரக்க முடையோர்,-பிறர்மீது-உருக்கமுடையோர்,

நெருக்கப்படுவோர்க்கு நேயமுற்றுதவுவோர்

காதலன் ஆவி கடாட்சிப்பர் பாக்கியர். – பாக்

6. சுத்தநெஞ்சத்தார்,-தேவனருன்-சுகிர்த ஜென்மத்தார்

பத்தியில் வர்த்தித்து நித்தமும் தேவனின்

பரிசுத்த சமுகத்தைத் தரிசிக்கும் பாக்கியர். – பாக்

7. சமாதானத்தை-நடப்பித்துச்-சல்யம் வாதத்தைத்

தமதுரை நடக்கையால் தள்ளி ஒழுகுவோர்

நமதேகன் சேயர்கள் என்னும் மெய்ப்பாக்கியர். – பாக்

8. நற்செய்கை யிட்டுப்-பகைஞரால்-நஷ்டங்கள் பட்டுத்

துர்செய்கை நீங்கியே துன்பப் படுவோர்

சுகலோகம் சேர்ந்தென்றும் முகியாத பாக்கியர். – பாக்