அருமை ரட்சகா கூடி வந்தோம் உம
தன்பின் விருந்தருந்த வந்தோம்
அறிவுக் கெட்டாத ஆச்சரியமான
அன்பை நினைக்க
ஆராயும் எமதுள்ளங்களை -பல
வாறான நோக்கம் எண்ணங்களைச்
சீராய்ச் சுத்தமனதாய் உட்கொள்ள நீர்
திருவருள் கூரும்
ஜீவ அப்பமும் பானமும் நீர் எங்கள்
தேவையாவும் திருப்தி செய்வீர்
கோவே மா பயபக்தியாய் விருந்து
கொண்டாட இப்போ
உமதன்பின் பிரசன்னம் பெற்றோம்-உமது
ஒளி முகதரிசன முற்றோம்
சமாதானம் அன்பு சந்தோஷமும் எமில்
தங்கச் செய்திடும்
கிருபை விருந்தின் இந்த ஐக்யம்-பூவில்
கிடைத் தற்கரிய பெரும் பாக்யம்
அரும் பிரியத்தோ டெங்களை நேசிக்கும்
குருவே வந்தனம்
எங்கட்காய் உமை ஒப்புவித்தீர் -கொடும்
ஈனச் சிலுவையில் மரித்தீர்
பொங்கும் பேரன்பை எங்கும் தெரிவிப்போம்
புண்ய நாதரே
பந்திக் கெசமான் நீர் யேசுவே எமைச்
சொந்தமாய் வரவழைத்தீரே
உந்தம் கிருபை வல்லமை பெற்றுமக்
கூழியஞ் செய்ய