அருளுருவே நரருருவாய்

1. அருளுருவே, நரருருவாய் என்னிமித்தம்

இது தருணம் ஏன்வருத்தமாம் – என் தேசுவே – ஐயா நீர்

அவஸ்தையுறக் காரணமேன், ஆதி மொழியாலோ

2. பொற்கிரீடம் அணி சிரசில் என்னிமித்தம் ஐயா நீர்

போத நெருங்குண்டதேவை பொற்கொடி செய்வினையோ

3. அருள்கரங்கள் இரண்டிலேயும் என்னிமித்தம் – ஐயா நீர்

ஆணியறையுண்ட தேவை அறுத்த கனி வினையோ

4. திரு விலாவில் ஈட்டியினால் என்னிமித்தம் – ஐயா நீர்

திறக்க மனங்கொண்ட தேனோ, தேவனுரைதானோ

5. பங்கயப் பூ பாதந்தன்னில் என்னிமித்தம் – ஐயா நீர்

படுகாய மானதாகி பகர்ந்த மொழியாலோ

6. சோரி சிந்தும் வேர்வையதால், என்னிமித்தம் – ஐயா நீர்

சோரி சிந்தக் காரணமேன், தேவனுரைதானோ

7. துய்ய திருமேனியெல்லா என்னிமித்தம் – ஐயா நீர்

சோரி வெள்ள மானதாகி சொன்ன மொழியாலே

8. வன்மையுடன், உடல் கிழிய, என்னிமித்தம் – ஐயா நீர்

வாரடிகள் பட்டதேனோ, ஆதி மொழியாலோ

9. தேவனுமாய் மனுஷனுமாய் என்னிமித்தம் – ஐயா நீர்

தேடி வந்த காரணமேன் தேவனுரைதானோ

10. ஆவியிலே வேதனையாய் என்னிமித்தம் ஐயா நீர்

அழுது கொஞ்சம் காரணமேன் ஆதி மொழியாலே