அரசனைக் காணாமலிருப்போமோ? நமது

அரசனைக் காணாமலிருப்போமோ? – நமது

ஆயுளை வீணாகக் கழிப்போமோ?

பரம்பரை ஞானத்தைப் பழிப்போமோ? – யூதர்

பாடனுபவங்கனை ஒழிப்போமோ? – யூத

1. யாக்கோபிலோர் வெள்ளி உதிக்குமென்றே, – இஸ்ரேல்

ராஜ செங்கோலெங்கும் கதிக்குமென்றே,

ஆக்கமிழந்து மறுவாக்குரைத்த பாலாம்

தீர்க்கன் மொழிபொய்யாத பாக்கியமே – யூத

2. தேசோ மயத்தாரகை தோன்றுது பார்! – மேற்குத்

திசை வழி காட்டிமுன் செல்லுது பார்!

பூசனைக் காண நன்கொடைகள் கொண்டே – அவர்

பொன்னடி வணங்குவோம், நடவுமின்றே! – யூத

3. அலங்காரமனை யொன்று தோணுது பார்! – அதன்

அழகு மனமுங் கண்ணும் கவர்ந்தது பார்!

இளவர சங்கிருக்கும் நிச்சயம் பார்! – நாம்

எடுத்த கருமம் சித்தியாகிடும் பார்! – யூத