அக்கினியே தேவ அக்கினியே

அக்கினியே தேவ அக்கினியே இறங்கிடுமே

இப்போ இறங்கிடுமே

தேவ நதியே ஜீவ நதியே பாய்ந்திடுமே

என்னில் பாய்ந்திடுமே (2)

ஆவியால் அக்கினியால் என்னை

அபிஷேகிப்பேன் என்றீரே (2)

உம் மகா வல்லமையால்

என்னை நிரப்பிடுமே இயேசுவே (2) – அக்கினியே

அக்கினி நாவுகளாய் என்னில்

அமர்ந்திடும் தேவ ஆவியே (2)

பற்பல பாஷைகளை

பேசி துதித்திட செய்திடுமே- நான்(2) – அக்கினியே

பலீபீட அக்கினியால்

என் நாவை தொடும் தேவனே (2)

நான் பரிசுத்தத்தோடு என்றும்

உம் திருப்பணி செய்திடவே (2) – அக்கினியே

அக்கினி நதியாய் என்னில் இன்று

பாய்ந்திடும் தேவ ஆவியே (2)

நான் அவியாத அக்கினியாய் என்றும்

எரிந்திட செய்திடுமே (2) – அக்கினியே