அடியோர் யாம் தரும் காணிக்கையை

அடியோர் யாம் தரும் காணிக்கையை

அன்பாய் ஏற்பாய் ஆண்டவரே

பாவியென்றெம்மைப் பாராமல் – யாம்

பாவத்தின் தீர்வையை அடையாமல் –2

பரிகாரம் என ஏற்றிடுவாய்

பலியாய் எமை நீ மாற்றிடுவாய்

மேலொரு வாழ்வு உண்டு என்று – எம்

மேலெழும் துன்பத்தை மறக்கின்றோம் –2

மேலும் துன்பங்கள் அடைந்தாலும்

மேன்மையின் பலியாய்த் தருகின்றோம்

வாழ்வுக்கு ஒரு நாள் முடிவு உண்டு – பின்

வாழ்வினில் எமக்கென்று எது உண்டு –2

என் மனம் அறிந்தவர் பயன் என்னவோ

எல்லாம் அறிந்தவர் நீரல்லவோ