அடைக்கலம் அடைக்கலமே இயேசு நாதா, உன்

அடைக்கலம் அடைக்கலமே இயேசு நாதா, உன்

அடைக்கலம் அடைக்கலமே!

திடனற்றுப் பெலனற்றுன்

அடியுற்றழும் ஏழைக்கு

ஆசையோடு பாவமதில் அலைந்து திரிந்தேனே,

அன்புள்ள பிதா உனை விட்டகன்று பிரிந்தேனே;

மோசமதை யேயலால் மற்றொன்றையும் காணாமலே

தோஷமோடு சேர்ந்தனன் துரத்திடாது சேர்த்தருள்!

கட்டுப்படாக் காயமதின் கெட்ட ரணம் போலவே

மட்டுப்படாப் பாவமதில் மயங்கி உறங்கினேன்;

கெட்டவனே போவெனக் கிளத்தினும் நியாயமே,

கிட்டிவந்தலறும் ஏழை கெஞ்சுதல் கேளய்யனே!

சிந்திய உதிரமதும் ஐந்து திருக்காயமும்

நொந்துரு கெனதுமனச் சஞ்சலமகற்றிடும்;

பந்தமிகும் பாவி என்றன் கெஞ்சிடுங் கரத்தினை

எந்தவிதமுந் தள்ளாமல் இரங்கிடு மையனே!

என்னிடத்தில் வருவோரை எந்தவிதமும் தள்ளேன்

என்று சொன்ன வாக்கதனில் எனக்கும் பங்கில்லையோ

அன்றுனது பக்கமதில் ஆகியிருந்த கள்ளனுக்கு

இன்றுபர தீசிலிருப்பா யென்றுரைத்தா யல்லவோ?