வழி செய்வார்
வருந்தி அழைப்போரை கைவிடாதவர்
வழுவாமல் அன்போடு காக்கின்றவர்
வழி செய்வார்
சோதனை என்னை சோர்வாக்கினாலும்
சோர்ந்திடேன் எந்தன் நாதர் உண்டு
வேதனை துன்பம் தொல்லை
வாட்டினும் எந்தன் மீட்பர் உண்டு
மாயையான இந்த உலகிலே
மாயமில்லா அன்பு தாங்குமே
மார்பினிலே அணைத்துக் கொள்ளுமே
மாறிடாமல் நம்மோடிருக்குமே
நம்பினோர் ஏமாற்றினாலும்
நண்பனாய் எந்தன் கர்த்தர் உண்டு
உலகமே என்னை எதிர்த்தாலும்
உலகத்தை வென்றவர் என்னோடுண்டு
தோல்விகளை ஜெயமாக்குவார்
தோளோடு தோளாய் இருப்பார்
தோளின் மேலே என்னை சுமப்பார்
தோழன் எந்தன் இயேசு ராஜனே
இயேசுவே என் தந்தையே
இயேசுவே என் தஞ்சமே
இயேசுவே என் ஆறுதலே
இயேசுவே என் ஆதரவே