ஆயத்த ஜெபம் செய்யப் பெலன்

பல்லவி

ஆயத்த ஜெபம் செய்யப் பெலன் தாரும் சுவாமி!

அடைக்கலம் எனக்கு வேறில்லை தேவாவி

சரணங்கள்

1. சாத்தானால் சோதனை மெத்தவுண்டையா

சர்வாயுதம் தந்து காத்திடுமையா – ஆயத்த

2. சுருக்க நாளானதால் குதிக்கிறான் ஐயா!

சுரர் கதி இழந்த பேய்த் தூதன் தான் மெய்யாய் – ஆயத்த

3. கேட்கிற வரமெல்லாம் கிருபையாய்த் தாரும்

கேடான மனம் நன்றாய் மாறிட வாரும் – ஆயத்த

4. கருத்தான மனதுடன் ஒருமித்துப் பாடி

கனிவுடன் மன்றாட அருள் செய்யும் சுவாமி! – ஆயத்த

5. இப்படியாகவே கேட்கும் மன்றாட்டை,

இயேசுவின் மூலமாய் ஏற்றுக்கொள் ஐயா! – ஆயத்த