ஆவியின் கனியைக் கொடுங்கள்

ஆவியின் கனியைக் கொடுங்கள் – Aaviyin Kaniyai Kodungal

பல்லவி

ஆவியின் கனியைக் கொடுங்கள் அதையே தேவன்

ஆவலாய்த் தேடுகிறார் பாருங்கள்

சரணங்கள்

1. பாவியே மாய்மால வேஷம் பண்ணுவது வெகுமோசம்

சாவு நினையாமல் வரும், சாபமும் தொடர்ந்துவரும் – ஆவி

2. எட்டியின் கனிகட்கிணை இயற்றுங் கருமங்களைத்

திட்டமுடனே துறந்து, திவ்விய செயல்புரிந்து – ஆவி

3. எத்தனை காலமாயுனில் ஏற்றக் கனி தேடும் வல்ல

கர்த்தனேசுவின் தவணை கடந்தால் வரும் வேதனை – ஆவி

4. வெட்டவே கோடாரி மரம் வேரிலிருந்து ஸ்திரம்

கெட்ட கனி கொடுப்பவர் திட்டமாய் வெட்டப்படுவர் – ஆவி

5. அன்புடன், சந்தோஷம், சமாதானம், பொறுமை, தயவு,

இன்ப நற்குணங்கள், சாந்தம், இச்சையடைக்கம், விஸ்வாசம் – ஆவி