ஆத்தும ஆதாயம் செய்குவோமே இது

ஆத்தும ஆதாயம் செய்குவோமே – இது

ஆண்டவர்க்குப் பிரியம் – நாமதினால் நாம

ஆசீர்வாதம் பெறுவோம்

சாத்திரம் யாவும் தெரிந்த கிறிஸ்தையன்

தஞ்சத்தைப் பெற்று நாமிந்த மாவேலையில்

ஆத்திரமாக முயற்சி செய்வோமாகில்

அற்புதமான பலனை அடையலாம்

1. பாழுலக முழுதையும் ஒருவன் சம்

பாதித்துக் கொண்டாலும் – ஒரு

நாளுமழியாத ஆத்துமத்தை அவன்

நஷ்டப்படுத்தி விட்டால்,

ஆளுந்துரையவ னாயிருந்தாலுமே,

அத்தால் அவனுக்கு லாபமில்லை யென்று,

ஏழை ரூபங் கொண்டு ஞாலமதில் வந்த

எம்பெருமான் கிறிஸ்தேசன்று சொன்னாரே — ஆத்தும

2. கெட்டுப்போன ஆத்துமாக்களை ரட்சிக்க

மட்டில்லா தேவசுதன் – வானை

விட்டுலகில் கனபாடு பட்டு ஜீவன்

விட்டதும் விந்தைதானே;

துட்டை யொருத்தியி னாத்துமத்தை மீட்க

தூயபரன் முன்னோர் கிணற்றருகிலே

இட்டமுடன் செய்த இரட்சணிய வேலையை

இந்த நிமிஷமே சிந்தையி லெண்ணியே — ஆத்தும