ஆதியாம் மகா ராஜனே

பல்லவி

ஆதியாம் மகா ராஜனே – எந்த வேளையும்

அடியனோடிரும் ஈசனே

அனுபல்லவி

தீதில்லா சருவேசா தேசுறும் பிரகாசா

பாதகன் யான் மிகு பலவீனன் ஆனதால் – ஆதியாம்

1. பாவி பெலனால் ஐயனே – நின்றால் என்னைப்

பகைவர் ஜெயிப்பார் மெய்யனே;

தேவா துணை நீர் ஐயனே – சிறியனிடம்

சேர்ந்தே வசியும் துய்யனே

மேவும் தஞ்சம் எனக்கு வேண்டும் காவலன் நீரே;

சாவுவரையும் என்னைத் தாங்கி அரவணையும் – ஆதியாம்

2. இரக்கம் பொழிய வாருமே – கிருபையாக

இறைவா என்னிடம் சேருமே;

உருக்கம் நிறைந்த நீருமே – அனவரதம்

உந்தன் அருளைத் தாருமே;

செருக்காய் எம்மீ திகலோர் சேதம் செய்ய நினைக்கும்

திருக்கை அகற்றி என்னில் தினமும் அருள் புரியும் – ஆதியாம்

3. எந்தன் மரண மட்டுமே – அருகில் நீரே

இருந்தால் மகா இஷ்டமோ;

எந்த அகிதர் கெட்டுமே – இமைப் பொழுதில்

ஏகிப் போவார் திட்டமே;

தந்தை சுதன் நீரல்லால் தஞ்சம் வேறாரும் இல்லை

விந்தை மேவும் கதியில் மேம்னையுடன் வாழ்கவே – ஆதியாம்