ஆதி பிதா குமாரன் ஆவி திரியேகர்க்கு அனவரதமும் தோத்ரம்! திரியேகர்க்கு அனவரதமும் தோத்ரம்

ஆதி பிதா குமாரன் -ஆவி திரியேகர்க்கு அனவரதமும் தோத்ரம்!- திரியேகர்க்கு அனவரதமும் தோத்ரம்.

நீத்த முதற் பொருளாய் நின்றருள் சர்வேசன் ,

நிதமும் பணிந்தவர்கள் இருதயமலர் வாசன் ,

நிறைந்த சத்திய ஞான மனோகர

உறைந்த நித்திய வேதா குணாகர,

நீடு வாரி திரை சூழ மேதினியை

மூடு பாவ இருள் ஓடவே அருள் செய் .-ஆதி

எங்கணும் நிறைந்த நாதர் – பரிசுத்தர்கள்

என்றென்றைக்கும் பணிபாதர் ,

துங்கமா மறைப்பிர போதர்-கடைசி நடு

சோதனைசெய் அதி நீதர்,

பன் ஞானம்,சம்பூரணம் ,பரிசுத்தம் ,நீதி என்னும்

பங்கில்லான் , தாபம் இல்லான் ,பகர்அடி முடிவில்லான்

பண்பதாய்சு யம்பு விவேகன்,

அன்பிரக்கத யாளப்பிரவாகன்

பார்தலத்தில் சிருஷ்டிப்பு , மீட்பு ,பரி

பாலனைத்தையும் பண்பாய் நடத்தி , அருள் .- ஆதி

நீதியின் செங்கோல் கைக்கொண்டு -நடத்தினால் நாம்

நீணலத்தில்லாமல் அழிந்து ,

தீதறு நரகில் தள்ளுண்டு -மடிவோ மென்று

தேவ திருவுளம் உணர்ந்து,

பாதகர்க் குயிர் தந்த பாலன் ஏசுவைக் கொண்டு

பரண் எங்கள்மிசை தயை வைத்தனர் ;இது நன்று

பகர்ந்த தன்னடி யார்க்குறு சஞ்சலம் ,

இடைஞ்சல் வந்த போதே தயவாகையில்

பாரில் நேரிடும் அஞ்ஞான சேதமுதற்

சூரியன் முன் இருள் போலவே சிதறும் .- ஆதி