என் மீது ஏனோ இத்தனை பாசம்

என் மீது ஏனோ இத்தனை பாசம்

என் மீது ஏனோ அளவற்ற நேசம்

தவறு செய்யும் போது கூட காட்டிக் கொடுக்காதவர்

மறந்து வாழ்ந்த போதும் என்னை விட்டு விலகாதவர் -2

அன்பே அழகே ஆராதனை

ஆயுள் நாளெல்லாம் ஆராதனை – 2

உம்மை நானும் பாடிடுவேன்

உயிர் வாழும் நாளெல்லாம் உயர்த்திடுவேன் – 2

கால்கள் சறுக்கும் நேரமெல்லாம் கிருபையாக வந்தவர்

சோர்ந்து போன நேரமெல்லாம் புதுபெலனை தந்தவர் – 2

கிருபை ஆனவரே ஆராதனை

மகிமை ஆனவரே ஆராதனை – 2

துன்பத்தின் நேரத்தில் உடன் இருந்தீர்

கண்ணீரின் பாதையில் கரம் பிடித்தீர் – 2

கலங்கி நின்ற நேரத்தில் கண்ணீரை துடைத்தவர்

உடைக்கப்பட்ட நேரங்களில் உறுதுணையாய் நின்றவர் – 2

உதவி செய்தவரே ஆராதனை

உயர்த்தி வைத்தவரே ஆராதனை – 2 – என் மீது ஏனோ