ஆர் இவர் ஆராரோ இந்த

ஆர் இவர் ஆராரோ – இந்த

அவனியோர் மாதிடமே

ஆனடை குடிலிடை மோனமய் உதித்த

இவ்வற்புத பாலகனார்?

1. பாருருவாகு முன்னே – இருந்த

பரம் பொருள் தானிவரோ?

சீருடன் புவி, வான், அவை

பொருள் யாவையுஞ் சிருட்டித்த

மாவலரோ!

2. மேசியா இவர்தானோ? – நம்மை -

மேய் த்திடும் நரர்கோனோ?

ஆசையாய் மனிதருக்காய்

மரித்திடும் அதி அன்புள்ள

மனசானோ?

3. தித்திக்குந் தீங்கனியோ? – நமது -

தேவனின் கண்மணியோ?

மெத்தவே உலகிருள் நீக்கிடும்

அதிசயமேவிய விண்ணொளியோ!

4. பட்டத்துத் துரைமகனோ? -

நம்மைப் பண்புடன்

ஆள்பவனோ?

கட்டளை மீறிடும் யாவர்க்கும்

மன்னிப்புக் காட்டிடுந்

தாயகனோ?

5. ஜீவனின் அப்பமோதான்? – தாகம்

- தீர்த்திடும் பானமோதான்?

ஆவலாய் ஏழைகள் அடைந்திடும்

அடைக்கல மானவர் இவர்

தானோ?