ஆண்டவா உன்றன் சேவைக்கடியேன்

பல்லவி

ஆண்டவா, உன்றன் சேவைக்கடியேன் அர்ப்பணஞ் செய்யத்

தூண்டும் உன் ஆவி அருள்வாய்.

அனுபல்லவி

என்னைத் தியாகிக்க ஏவும்

உன் அனல் மூட்டிடுவாய்,

இந்நிலம் தன்னில் மாளும்

மனுமக்கள் மீட்பிற்காக. – ஆண்டவா

சரணங்கள்

1. புசிக்கக் பண்டமில்லாமல்

பூவில் இல்லமுமே அன்றி,

நசித்து நலிந்து நாட்டில்

கசிந்து கண்ணீர் சொரிந்து,

தேச மெல்லாம் தியங்கும்

நேசமக்கள் சேவைக்கே,

நிமலா, எனை ஏற்றுக்கொள். – ஆண்டவா

2. வறுமை வன் கடன் வியாதி,

குருட்டாட்டம் கட்டி கடும்

அறிவீனம் அந்தகாரம்

மருள் மூடி மக்கள் வாடும்,

தருணம் இக்காலமதால்,

குருநாதா, உனதன்பை

அருள்வாய், அடியேனுக்கே. – ஆண்டவா

3. அருமை ரட்சகா, உன்றன்

அரும்பாடு கண்ணீர் தியாகம்,

பேரன்பு பாரச் சிலுவை,

சருவமும் கண்ட என்றன்

இருதயம் நைந்துருகி,

வெறும் பேச்சாய் நின்றிடாமல்

தருணம் எனையே தந்தேன். – ஆண்டவா

4. உலகே உனதாயினும்

தலைசாய்க்கத் தாவில்லாமல்,

நலமே புரிந்து திரிந்தாய்;

எல்லாம் துறந்து யான் உன்

நல்லாவி கொண்டுழைக்க,

வல்லா, உனின் சிலுவை

அல்லால் வழி வேறுண்டோ? – ஆண்டவா