பல்லவி
உமக்காகத் தானே - ஐயா நான்
உயிர் வாழ்கிறேன் - ஐயா
இந்த உடலும் உள்ளமெல்லாம் - அன்பர்
உமக்காகத்தானே ஐயா
சரணம் 1
கோதுமை மணிபோல் மடிந்திடுவேன்
உமக்காய் தினமும் பலன் கொடுப்பேன்
அவமானம் நிந்தை சிலுவைதனை
அனுதினம் உமக்காய் சுமக்கின்றேன்
சரணம் 2
எனது ஜீவனை மதிக்கவில்லை
ஒரு பொருட்டாய் நான் கணிக்கவில்லை
எல்லைருக்கும் நான் எல்லாமானேன்
அனைவருக்கும் நான் அடிமையானேன்
சரணம் 3
எத்தனை இடர்கள் வந்தாலும்
எதுவும் என்னை அசைப்பதில்லை
மகிழ்வுடன் தொடர்ந்து ஒடுகிறேன்
மனநிறைவோடு பணி செய்வேன்
சரணம் 4
பண்படுத்தும் உம் சித்தம் போல
பயன்படுத்தும் உம் விருப்பம் போல
உம் கரத்தில் நான் புல்லாங்குழல்
ஒவ்வொரு நாளும் இசைத்திடுமே
சரணம் 5
எனது பேச்செல்லாம் உமக்காக
எனது செயல் எல்லாம் உமக்காக
எழுந்தாலும் நடந்தாலும் உமக்காக
அமர்ந்தாலும் படுத்தாலும் உமக்காக