அதிகாலையில்

பல்லவி

அதிகாலையில் (அன்பு நேசரே) உம் திருமுகம் தேடி

அர்ப்பணித்தேன் என்னையே

ஆராதனை துதி ஸ்தோத்திரங்கள்

அப்பனே உமக்குத் தந்தேன்

ஆராதனை ஆராதனை

அன்பர் இயேசு ராஜனுக்கே

ஆவியான் தேவனுக்கே

சரணம் 1

இந்த நாளின் ஒவ்வொரு நிமிடமும்

உந்தன் நினைவால் நிரம்ப வேண்டும்

என் வாயின் வார்த்தை எல்லாம்

பிறர் காயம் ஆற்ற வேண்டும்

சரணம் 2

உந்தன் ஏக்கம் விருப்பம் எல்லாம்

என் இதயத் துடிப்பாக மாற்றும்

என் ஜீவ நாட்கள் எல்லாம்

ஜெப வீரன் என்று எழுதும்

சரணம் 3

சுவிசேஷ பாரம் ஒன்றே

என் சுமையாக மாற வேண்டும்

என் நேச எல்லையெங்கும்

உம் நாமம் சொல்ல வேண்டும்

சரணம் 4

உமக்குகந்த தூய பலியாய்

இந்த உடலை ஒப்புக் கொடுத்தேன்

ஆட்கொண்டு என்னை நடத்தும்

அபிஷேகத்தாலே நிரப்பும்