நீதியில் நிலைத்திருந்து

பல்லவி

நீதியில் நிலைத்திருந்து - உம்

திருமுகம் நான் காண்பேன்

உயிர்த்தெழும் போது - உம் 2

சாயலால் திருப்தியாவேன் நீதியில்...

சரணம் 1

தேவனே, நீர் என் தேவன்

அதிகாலமே தேடி வந்தேன் (2)

நீரின்றி வரண்ட நிலம்போல்

ஏங்குகிறேன் தினம் உமக்காய் (2)

அல்லேலூயா ஓசன்னா - 4

சரணம் 2

ஜீவனை விட உம் அன்பு

அது எத்தனை நல்லது

புகழ்ந்திடுமே, என் உதடு

மகிழ்ந்திடுமே, என் உள்ளம்

அல்லேலூயா ஓசன்னா

சரணம் 3

உயிர்வாழும் நாட்களெல்லாம்

உம் நாமம் சொல்லித் துதிப்பேன்

அறுசுவை உண்பது போல

திருப்தியாகும் என் ஆன்மா

அல்லேலூயா ஓசன்னா

சரணம் 4

படுக்கையில் உம்மை நினைப்பேன்

இராச்சாமத்தில் தியானம் செய்வேன்

துணையாளரே, உம் நிழலை

தொடர்ந்து, நடந்து வளர்வேன்

அல்லேலூயா ஓசன்னா