ராஜா நீர் செய்த நன்மைகள்

பல்லவி

ராஜா நீர் செய்த நன்மைகள்

அவை எண்ணி முடியாதையா

ஏறெடுப்பேன் நன்றிபலி

என் ஜீவ நாளெல்லாம - நான்

நன்றி ராஜா இயேசு ராஜா (4)

சரணம் 1

அதிகாலை நேரம் தட்டி தட்டி எழுப்பி

புது கிருபை தந்தீரையா

ஆனந்த மழையில் நனைத்து நனைத்து

தினம் நன்றி சொல்ல வைத்தீரையா - 2 நன்றி

சரணம் 2

வேதத்தின் இரகசியம் அறிந்திட புரிந்திட

உம் வெளிச்சம் தந்தீரையா

பாதம் அமர்ந்து நான் உம் குரல்

கேட்கும் பாக்கியம் தந்தீரையா

சரணம் 3

ஒவ்வோரு நாளும் உணவும் உடையும் தந்து

பாதுகாத்து வந்தீரையா

உடல் சுகம் தந்து ஒரு குறைவின்றி

வழி நடத்தி வந்தீரையா

சரணம் 4

துன்பத்தின் பாதையில் நடந்த அந்நாளில்

தூக்கிச் சென்றீரையா

அன்பர் உம் கரத்தால் அணைத்து அணைத்து தினம்

அதிசயம் செய்தீரையா (ஆறுதல் தந்தீரையா)

சரணம் 5

கூப்பிட்ட நாளில் மறுமொழி கொடுத்து

விடுதலை தந்தீரையா

குறைகளை நீக்கி கரைகளைப் போக்கி

கூடவே வந்தீரையா

சரணம் 6

உமக்காக வாழ உம் நாமம் சொல்ல

தெரிந்து எடுத்தீரையா

உம்மோடு வைத்து ஊழியனாக

உருவாக்கி வந்தீரையா